39. Skopje Jazz Festival

И покрај евидентните предизвици, програмата на 39. Скопски џез фестивал го сочувува високиот интернационален карактер на фестивалот и традицијата да го нуди најдоброто од џезот и импровизираната музика. Што изгледаше како невозможна мисија. И изискуваше особено напорна работа. Осум изведувачки имиња од Европа и Македонија ќе одржат концерти во живо во салата на Националната опера и балет. Со почитување на сите протоколи и безбедносни мерки пропишани за одржување на културни настани во затворен простор. Плус, само за Скопскиот џез фестивал, онлајн стриминг на три ексклузивни концерти од Њујорк и Осло, со цел одржување на врската со американските и норвешките музичари, кои овојпат не можат да патуваат вон своите земји. А бесплатниот стриминг на сите концерти ќе го направи целиот фестивал достапен за светот. Останете во здрав дух со нас!